227

పాట`227

ప: నీ ప్రియ ప్రభుని సేవకై అర్పించుకో నీవే

పవిత్ర ప్రజలైన మీరు సేవించుడాయననె

1. అంధకార జీవితమునకు వెలుగు తెచ్చెను తానే

ఆ వెలుగు ద్వారానే నూతన మార్గము కలిగె

సజీవ బలిగా నర్పించు నీ జీవితమాయనకే ॥నీ॥

2. తప్పిపోతిని గతమందు తప్పుదారిని నడచితివి

తన ప్రేమాహస్తమే నిన్ను కాపాడి తెచ్చెను

యెంతైన స్మరియించు నీవు వింతైన తన ప్రేమన్‌ ॥నీ॥

3. ఓ ప్రియుడా తలచితివా నీ జన్మమే పాపమని

ప్రభువే తన రక్తముతో నీ పాపము క్షమియించె

నీ యుల్లము ఆయన కాలయమే జ్ఞాపకముంచుకొనుము ॥నీ॥

4. యెవరతని సేవించెదరో ఫలమొందెదరంత మందు

ఇతరులకు లేనట్టే ఆ ఘనతను నీ కిచ్చె

కృతజ్ఞడవై కొనియాడు ప్రభు పాద సన్నిధిని ॥నీ॥